Policia e Durrësit njoftoi zyrtarisht mbi arrestimin e djalit të deputetit socialist.
Rexhep Rraja, 24 vjeç, sipas policisë u arrestua pas vendimit të Gjykatës në Krujë, ndërsa akuzohet për veprën penale “Përndjekja” parashikuar në nenin 121/a të Kodit Penal.
Por sa rrezikon djali i deputetit, me këtë akuzë, e ndërsa ngjarja u mbajt për dy muaj e fshehtë?
Sipas kodit penal nëse del fajtor, 24-vjeçari dënohet nga 6 muaj deri në 4 vjet.
Në rast se kryehet nga personi që ka lidhje shpirtërore me të dëmtuarën dënimi rritet me 1/3.
Po përse është hequr akuza për dhunim, kur raporti mjeko ligjor tregoi se Xhisila Maloku ishte dhunuar?
Por ky rast nuk mund të quhet plagosje me dashje, pasi dëmet e shkaktuara nga dhuna dhe sipas raportit mjeko ligjor nuk kanë zgjatur më shumë se 9 ditë.
Gazeta Shqiptare pyeti juristë të cilët kanë thënë se i riu ka konsumuar dhe veprën penale ” Dëmtime të tjera trupore”, por kjo nuk ndiqet nga prokuroria.